ब्युटी न्युज नेपाल
काठमाडौं, ९ साउन
नयाँ चलचित्र ‘साइनो’को आइटम क्या बात छ…को भिडियो युट्युबमा रिलिज गरिएको छ । जसमा अभिनेत्री निता ढुँगानाको आईटम देख्न पाईन्छ ।
यो फिल्म आगामी २४ साउनबाट सिनेमा हलमा रिलिज हुँदैछ । सिनेमाको रिलिज नजिकिँदै गर्दा गीत रिलिज गरिएको हो । नेपाली चलचित्रकी प्रथम नायिका भुवन थापा चन्दले निर्माण गरेको साईनोको यो गीतमा मिना निरौलाको आवाज रहेको छ । गीतमा शब्द यमन सुवेदी र र संगीत किरण भुषालको छ ।
अभिनेत्री नीता ढुंगानाको कामुक नृत्यले यो गीतको भिडियो आकर्षक बनेको छ । नितासँगै नायक राजकुमार र हास्य अभिनेता राजा राजेन्द्र पोखरेल पनि गीतमा छन् ।
साइनोमा राज कुमार, मिरुना मगर, नीता ढुंगाना, भुवन थापा चन्द, बसुन्धरा भुषाल, मदनदास श्रेष्ठ, रोयदीप श्रेष्ठ, श्याम राई, शिखा तामाङ, राजा राजेन्द्र पोखरेल, रेगन क्षेत्री लगायतका अन्य कलाकारहरुको अभिनय छ ।
चन्द्र बिनायक फिल्म प्रोडक्सनको ब्यानरमा रमेश थापाको निर्देशन रहेको चलचित्र साईनो अभिमन्यु निरबीले लेखेका छन् । शरण थापा कार्यकारी निर्माता रहेको चलचित्र साइनोमा रामेश्वर कार्कीको छाँयांकन, रामजी लामिछानेको कोरियोग्राफी, बनिश शाहको सम्पादन छ ।
