ब्युटी न्युज नेपाल
काठमाडौं, ७ साउन
यस पटकको तीजलाई लक्षित गरेर नयाँ गीत घर झगडा–३ बजारमा ल्याईएको छ । बिगतका २ वर्षमा घर झगडा र घर झगडा २ ल्याईएको थियो । ती दुबै गीत हिट भएप्छि घर झगडाको सफलता पश्चात यो तेश्रो सृँखलाको रुपमा घर झगडा – ३ गीत बजारमा ल्याईएको हो ।
यो गीतको भिडियो अकलादेबि म्युजिक युट्युव च्यानलबाट रिलिज गरिएको छ । रिलिज भएको तीन दिन नपुग्दै गीतको भिडियोलाई २ लाख भन्दा बढी पटक दर्शकले युट्युवमा हेरिसकेका छन् ।
यो गीतलाई ब्युटी न्युज नेपालका पत्रकार प्रदीप कंडेलले लेखेका हुन् । तीजमा चेलिबेटी विभिन्न कारणले माईत नआउँदा माईतीको मन कती दुख्छ भन्ने सन्देश यो गीत मार्फत आफुले दिन खोजेको गीतकार प्रदीपले बताए । गीतले आफ्ना चेलीबेटीलाई फकाई फुलाई गरेर तीजमा माईत ल्याउनु पर्छ भन्ने सन्देश दिएको पनि उनले बताए ।
यो गीतलाई बरिष्ट लोक गायक पुरुषोत्तम न्यौपाने, लोक गायक यज्ञ सापकोटा, इन्द्र जिसी, गायिकाहरु सावित्री मगर र शोभा पन्थको स्वर रहेको छ । गायक यज्ञ सापकोटाले यो तीज भाकाको लय तयार गरेका हुन् । संगीत पनि यज्ञ सापकोटाकै हो ।
यो गीतको भिडियोलाई मदन खड्काले निर्देशन गरेका हुन् । गीतको भिडियोमा अग्रज हास्य कलाकार सुरबीर पण्डित (दारी बा), बरिष्ट अभिनेत्री रमा थपलिया सहित इश्वर भण्डारी र बद्रीको अभिनय रहेको छ । बीरेन्द्र भट्टको छायाँकन रहेको यो भिडियोलाई अनिल रानाले सम्पादन गरेका हुन् । यो वर्षको तीज पर्व नजिकिँदै गर्दा यो गीतले अहिले बजारमा चर्चा पाउन थालेका छ ।
