ब्युटी न्युज नेपाल
काठमाडौं, २५ असार
नेपाली चलचित्र गीत गजलको प्रदर्शन मिति तय गरिएको छ । यो फिल्म आगामी २४ असोजबाट देशव्यापी प्रदर्शन हुने भएको छ ।
यो फिल्मबाट रुप पोखरेल र आरोही सिंहले नेपाली चलचित्रमा नायक र नायिकाको रुपमा डेब्यु गर्दैछन् । यसै क्रममा यो चलचित्रको अफिसियल पोस्टर सार्वजनिक गर्दै प्रदर्शन मिति घोषणा गरिएको छ । गीत गजलको रिलिज गरिएको पोस्टरमा सिनेमाका मुख्य अभिनेता रुप पोखरेल र अभिनेत्री आरोही सिंहलाई रोमान्टिक अबस्थामा प्रस्तुत गरिएको छ ।
आरोहण प्रोडक्सनको ब्यानरमा निर्माण भएको सिनेमा रश्मी भट्ट, विशाल पहाडी, ओम प्रतीक, आज्ञा करनजीत, सान्तवना भट्टराई, भिमा मैनाली बालकलाकार योगीशा खत्री, सुजल खानलगायतका कलाकारको पनि अभिनय रहेको छ ।
चलचित्रलाई नीतिन चन्दले निर्देशन गरेका हुन् । चन्दको यो दोस्रो सिनेमा हो । यस अघि उनले जोनी जेन्टलमेन निर्देशन गरेका थिए ।
सिनेमामा अस्मित पोखरेलको कथा, पटकथा तथा संवाद, बाबु श्रेष्ठ र सुरेश काफ्लेको छायांकन, अर्जुन पोखरेलको संगीत, निर्देशक नितिन चन्दको कोरियोग्राफी, अर्जुन जिसीको सम्पादन रहेको छ ।
निर्देशक चन्दले आफूले सिनेमालाई उत्कृष्ट बनाउन कुनै कसर बाँकी नछाडेको बताएका छन् । सिनेमाको एक गीतको छायाँकन भारतको गोवामा गरिएको छ । गीतलाई पनि चाँडै रिलिज गर्ने निर्देशक चन्दलेब ताए । सिनेमाको पहिलो गीत यही शुक्रबार रिलिज हुँदैछ ।
